عادت "شمس مصر" لكم من جديد في حوار خاص مع الموهوب الذي ظهر من موقع التواصل الاجتماعي"تيك توك"، ولكن بمحتوى مفيد للشباب الصغار، فقد أصبح هذا الموقع من المواقع السيئة بالفترة السابقة وذلك لما شاع فيه من بعض الفيديوهات غير أخلاقية، ولكنه أثبت عكس ذلك بموهبته الفريدة.
أهلًا بحضرتك ياأستاذ يسري
*أهلًا بحضرتك.
1_ممكن تعرفنا بحضرتك؟
يسري محمود فوزي
25 سنة
من محافظة الإسكندرية.
أهلًا وسهلًا بحضرتك في جريدة شمس مصر
*أهلًا بحضرتك
2_ ايه موهبة حضرتك؟
_الرسم بخاماته المختلفة.
3_ مين الداعم لحضرتك في مسيرتك؟
_أمي هي الداعمة الأولى والأخيرة ليا
4_ ازاي وصلت للمكانة دي، وخدت وقت قد اي؟
_ بدأت من سنة ونص أفكر ازاي أقدر أفيد المبتدئين في الرسم إني أرسملهم بخطوات بسيطة يقدرو يطبقوها وأحبب الناس أكتر في الرسم،
أما عن الوقت اللي اخدته عشان احترف كان من زمان جدًا.
** حضرتك فعلًا بتقدم الرسم بطريقة سهلة ومريحة للمبتدئين.
_دا كان هدفي اللي خلاني أدخل مجال السوشيال عمومًا.
5_ هل واجهت صعوبات في مسيرتك أو انتقادات؟
_ واجهت صعوبات في الوصول طبعًا وانتقادات إني داخل أبلكيشن زي تيك توك، كانت سمعته مش كويسة يعني
بس حبيت أثبت للناس إن الأبلكيشن دا معمول للمواهب وإن ممكن جدًا تلاقي فيه حاجة حلوة زي ما بتلاقي السيئ.
**السوشيال سلاح ذو حدين وحضرتك قدرت تستغل النافع منها للشباب.
_شهادة اعتز بيها جدًا.
6_ اي طموحاتك الفتره الجايه؟
_ إن شاء الله أحاول أكمل في طريقي وافتح معرض خاص بيا، يكون فيه كل لوحاتي.
** إن شاء الله ويكون لينا الشرف في حوار مع حضرتك.
_شكرا أنا اللي زادني كل الشرف.
7_ حابب تشارك الجمهور ببعض رسوماتك؟
_أكيد، هشارك بلوحة اسمها "المستقبل الافتراضي"
ولوحة تانية "فتاة القرط اللؤلؤي" الملقبة ب (موناليزا الشمال)، ودي آخر اللوحات الزيتية المتوفرة حاليًا.
8_ في رسالة تحب توجهها للشباب المحبين للرسم وليسوا على ثقة بأنفسهم؟
_ أكيد..
رسالتي للشباب هي عتاب الأول ورسالة في نفس الوقت
الشباب اللي بترسم ممكن يصيبهم الملل بسرعة جدًا، ويفكروا إنهم مستحيل يوصلو للمستوى اللي هما حابين الوصول ليه
ودي فكرة خاطئة جدًا،
ورسالتي ليهم الاستمرار في الرسم يوميًا حتى لو النتايج ضعيفة.
9_ ممكن حضرتك توجه كلمة لجريدة شمس مصر؟
_ أحب أوجه كل الشكر للجريدة
واختيار الجريدة للقاءات عمومًا اختيار جيد
وبشكر حضرتك أستاذة سلمى.
**شكرا لحضرتك جدًا وإن شاء الله هيكون لينا لقاءات قادمة ومستمرة مع كل جديد لحضرتك.
